Мэдээ

Си-И-Си Инвестмент нь 2025 онд жижиг дунд бизнес эрхлэгчдэд тулгамддаг санхүүжилт, хөрөнгө оруулалтын удирдлагын асуудалд шийдэл болгож "Empowered by CECI 1.0 - Жижиг дунд бизнесийн өсөлтийн хөтөлбөр"-ийг амжилттай зохион байгуулсан.

Тус хөтөлбөрт зуслан болон хотын захын айл өрхүүдийн чанартай, баталгаатай махны хэрэгцээг хангах зорилготой "Fresh House" компанийн "Бэлх хаус" төсөл шилдгээр шалгарч эхний 6 сар 1.5% хүүтэй, уян хатан нөхцөлтэй бизнесийн зээлийн санхүүжилт авч, санхүүгийн удирдлагын сургалт, зөвлөгөө үйлчилгээнд хамрагдсан.

Харин энэ жилийн хувьд бизнес эрхлэгчдийг тогтвортой хөгжлийн бодлогод уриалах, үйл ажиллагааг нь байгальд ээлтэй "Ногоон бизнес" рүү шилжихэд шаардлагатай мэдлэг мэдээллээр хангаж, байгаль орчин болон нийгэмд эерэг нөлөө үзүүлэх төслийг дэмжин ажиллах үүднээс "Empowered by CECI 2.0 - Бизнесээ Ногоон болгох хөтөлбөр"-ийг Тогтвортой Санхүүгийн холбоотой (ТоС) хамтран зохион байгуулж байна.

"Empowered by CECI 2.0" хөтөлбөр нь нийгэм болон байгаль орчинд хамгийн өндөр эерэг нөлөөлөл үзүүлэх шилдэг 1 төсөлд "Ногоон шилжилтийн хөнгөлөлттэй санхүүжилт" болох 50 сая хүртэлх төгрөгийн хамгийн бага хүүтэй (1-1.5%) уян хатан санхүүжилт олгоно.

Хөтөлбөрт хэн хамрагдах боломжтой вэ?

Бизнесийн үйл ажиллагаандаа байгальд ээлтэй, ногоон шилжилт хийхээр зорьж буй санхүүжилт хэрэгцээтэй бизнес эрхлэгч бүрт нээлттэй

Хөтөлбөрийн бүртгэлийн хугацаа

Хөтөлбөрт хамрагдах хүсэлт хүлээн авах хугацаа 2026.09.14 дуустал

Хөтөлбөрт бүртгүүлэх

Хөтөлбөрийн бүртгүүлэх бол энэхүү формын бөглөөрэй: https://shorturl.at/j57sA

Дэлгэрэнгүй мэдээллийг suvd-ochir.e@upc.mn болон 7772-5511 дугаараар аваарай.

Өөрийн бизнесээ байгальд ээлтэйгээр хөгжүүлэх шилдэг төслүүдийг бид хүлээж байна

Ухаалаг санхүүжилт Тогтвортой ирээдүй